"Бавария" ярим ҳимоячиси Томас Мюллер 2024 йилда фаолиятини якунламоқчи эмаслигини айтди.
34 ёшли Мюллернинг мюнхенликлар билан амалдаги шартномаси келаси июнь ойига қадар мўлжалланган.
"Мен 2024 йилдан кейин яна бир йил ўйнашни хоҳлайман. Майдонга чиқиш ҳамон менга қувонч келтиради. Умид қиламанки, бу сезиларли бўлади", - деди Мюллер Bild нашрига.
Инсайдер Фабрицио Романонинг сўзларига кўра, Мюллер келаси ёзда "Бавария" билан шартномасини узайтирадими ёки эркин агентга айланадими, ҳозирча маълум эмас.
Жорий мавсумда Мюллер "Бавария" сафида барча мусобақаларда 14 та ўйин ўтказиб, 2 та гол урди ва 5 та голли узатмани амалга оширди.
