Аргентина терма жамоаси бош мураббийи Лионель Скалони истеъфога чиқиши мумкинлиги ҳақида гапирди.
Бугун, 22 ноябр куни тонгда аргентиналиклар Жаҳон чемпионати саралаш босқичи доирасидаги ўйинда Бразилияни 1:0 ҳисобида мағлуб этишди.
"Бир муҳим нарсани айтмоқчиман: терма жамоада ўтказган вақтим ҳақида ўйлашим керак. Мен нима қилишим ҳақида яхшилаб ўйлаб кўришим керак.
Бу хайрлашиш ёки бошқа нарса эмас, лекин мен бу ҳақда ўйлашим керак, чунки ставкалар жуда юқори. Ғалаба қозонишни давом эттириш жуда қийин бўлади. Буни АФА президенти ва футболчиларга айтаман. Бу жамоага энергияга эга мураббий керак", - деди Скалони Globo билан суҳбатда.
