Суперлиганинг 25-туридан ўрин олган "Турон" — "Андижон" ўйини аввалдан белгилангани каби 18:15 да эмас, 19:00 да старт олади.
Беллашувни жонли намойиш қилиш учун йўлга чиққан МТРК автомобили билан боғлиқ кичик муаммо юзага келиши оқибатида, унинг довонни босиб ўтиши бироз кечикди. "Спорт" телеканали трансляция амалга ошиши учун барча зарур чорани кўрди. Шу тариқа Лига ҳамда телеканал ўзаро келишиб, учрашувни бироз кечроқ бошлашга қарор қилди.
"Турон" — "Андижон" ўйини 18:55 дан бошлаб Foreign languages каналида, "Бухоро" — ОКМК учрашуви эса 18:10 дан бошлаб "Дунё бўйлаб" телеканалида эфирга олиб чиқилади.
