Франция U17 Жаҳон чемпионатидан дисквалификация қилиниши мумкин.
"Монпелье" ҳужумчиси Яннис Иссуфу туфайли жамоа турнирдан четлатилади. Турнирга саралаш босқичида футболчи Нигер терма жамоасида ўйнади. Sport News Africa нашри хабарига кўра, Франция футбол федерацияси бу ҳақда билмаган.
ФИФА қоидалари бир турнирда турли жамоалар учун ўйнашни қатъиян тақиқлаганлиги сабабли, Франция терма жамоаси дисквалификация қилиниши мумкин. Қайд этилишича, Франция термаси билан бир гуруҳдан жой олган ва кейинги босқичга чиқа олмаган Буркина-Фасо терма жамоаси апелляция бериши мумкин.
Иссуфу Франция терма жамоаси сафида ёшлар ўртасидаги жаҳон чемпионати гуруҳ босқичида учта ўйинда, жумладан, Буркина-Фасога қарши 1-турда (3:0) иштирок этди.
Нигер терма жамоаси сафида Иссуфу 2022 йилда Ганада ўтказилган мусобақадда иккита ўйин ўтказди - Кот-д’Ивуар ва Бенинга қарши. Кот-д’Ивуарликлар билан ўйинда у гол урди, Бенин билан ўйинда эса учрашувнинг энг яхши футболчиси деб топилди.
