Fransiya U17 Jahon chempionatidan diskvalifikasiya qilinishi mumkin.
"MonpelYE" hujumchisi Yannis Issufu tufayli jamoa turnirdan chetlatiladi. Turnirga saralash bosqichida futbolchi Niger terma jamoasida o‘ynadi. Sport News Africa nashri xabariga ko‘ra, Fransiya futbol federasiyasi bu haqda bilmagan.
FIFA qoidalari bir turnirda turli jamoalar uchun o‘ynashni qat’iyan taqiqlaganligi sababli, Fransiya terma jamoasi diskvalifikasiya qilinishi mumkin. Qayd etilishicha, Fransiya termasi bilan bir guruhdan joy olgan va keyingi bosqichga chiqa olmagan Burkina-Faso terma jamoasi apellyasiya berishi mumkin.
Issufu Fransiya terma jamoasi safida yoshlar o‘rtasidagi jahon chempionati guruh bosqichida uchta o‘yinda, jumladan, Burkina-Fasoga qarshi 1-turda (3:0) ishtirok etdi.
Niger terma jamoasi safida Issufu 2022 yilda Ganada o‘tkazilgan musobaqadda ikkita o‘yin o‘tkazdi - Kot-d’Ivuar va Beninga qarshi. Kot-d’Ivuarliklar bilan o‘yinda u gol urdi, Benin bilan o‘yinda esa uchrashuvning eng yaxshi futbolchisi deb topildi.
