Суперлига ўтиш ўйинлари доирасидаги «Қўқон-1912» - «Машъал» (1:1, пенальтилар серияси 4:2) учрашувидан сўнг муборакликлар бош мураббийи Асрор Алиқулов ўз фикрларини билдириб ўтди.
«Мавсум сўнггида 120 дақиқа ўйнаш жисмоний кучдан ташқари характер ҳам талаб этади. Ўйлайманки, футболчилар буни кўрсата олишди.
Пенальтилар серияси эса бу лотерея. «Қўқон-1912» футболчилари руҳий жиҳатдан бизникилардан кучлироқ экан ва юришимизни иккинчи босқичда якунладик.
Жамоа олдига юқори вазифалар қўйиш учун яхши ижрочилар лозим. Ҳар бир чизиқда лидерлар бўлиши керак. Келгуси мавсум селекция қилиб, курашувчан жамоа шакллантиришни мақсад қилганмиз», — деди Алиқулов
