Аргентина терма жамоаси бош мураббийи Лионель Скалони ҳозирча истеъфога чиқиш ниятида эмас.

45 ёшли аргентиналик мутахассис қарор қабул қилиш учун бироз вақт талаб этади. Мутахассис ўз шаҳрига қайтиб, кейин футбол федерацияси билан музокара ўтказиб, нима қилиш кераклигини ҳал қилади.

Скалони яқин бир неча соат ичида қарор қабул қилишни режалаштирмаяпти, шунинг учун у Аргентина терма жамоаси бош мураббийи бўлиб қолади.

Аргентиналиклар 15 очко жамғариб, ЖЧ саралаш турнир жадвалида 1-ўринни банд этишди. Бразилияликлар 7 очко билан 6-ўринда бормоқда.