Индонезияда бўлиб ўтаётган ўсмирлар ўртасиаги жаҳон чемпионатининг нимчорак финал баҳсидан сўнг матбуот анжуманида Ўзбекистон U17 терма жамоаси ёрдамчи мураббийи Анвар Раҳимов иштирок этди. Боиси, бош мураббий Жамолиддин Раҳматуллаев ўйин сўнги қизил карточка олди.

"Худога шукр, биз мазкур ўйинда ғалаба қозондик. Учрашув эса жуда қийин бўлди. Англия ҳам жуда ва жуда яхши ўйнади. Бугун бизни қўллаб-қувватлаган мухлисларга миннатдорчилик билдираман. Шунингдек, бизнинг футболчилар ҳам яхши ҳаракат қилишди. Бунинг учун уларга раҳмат айтаман.

Биз машғулотда сидқидилдан ишладик. Барча бир-бирига ишонди. Аммо бу ғалаба учун товон тўлашимизга тўғри келди (бош мураббий майдондан четлатилди). Чунки бош мураббийинг жамоадаги ўрни муҳим аҳамиятга эга. Энди бу вазиятдан чиқиб кетиш ҳақида ўйлашимиз керак.

Чорак финал финал баҳсига ҳам яхши тайёргарлик кўрамиз ва унда ҳам ғалаба қозонишга интиламиз", — деди Анвар Раҳимов.