Indoneziyada bo‘lib o‘tayotgan o‘smirlar o‘rtasiagi jahon chempionatining nimchorak final bahsidan so‘ng matbuot anjumanida O‘zbekiston U17 terma jamoasi yordamchi murabbiyi Anvar Rahimov ishtirok etdi. Boisi, bosh murabbiy Jamoliddin Rahmatullayev o‘yin so‘ngi qizil kartochka oldi.

"Xudoga shukr, biz mazkur o‘yinda g‘alaba qozondik. Uchrashuv esa juda qiyin bo‘ldi. Angliya ham juda va juda yaxshi o‘ynadi. Bugun bizni qo‘llab-quvvatlagan muxlislarga minnatdorchilik bildiraman. Shuningdek, bizning futbolchilar ham yaxshi harakat qilishdi. Buning uchun ularga rahmat aytaman.

Biz mashg‘ulotda sidqidildan ishladik. Barcha bir-biriga ishondi. Ammo bu g‘alaba uchun tovon to‘lashimizga to‘g‘ri keldi (bosh murabbiy maydondan chetlatildi). Chunki bosh murabbiying jamoadagi o‘rni muhim ahamiyatga ega. Endi bu vaziyatdan chiqib ketish haqida o‘ylashimiz kerak.

Chorak final final bahsiga ham yaxshi tayyorgarlik ko‘ramiz va unda ham g‘alaba qozonishga intilamiz", — dedi Anvar Rahimov.