Халқаро футбол федерацияси (ФИФА) президенти Жанни Инфантино ЖЧ-2026 саралаш босқичи доирасидаги Бразилия ва Аргентина ўйини бошланишидан олдин "Маракана" стадиони трибунасида содир бўлган воқеани қоралади.
Учрашув 22 ноябрь куни тонгда Рио-де-Жанейрода бўлиб ўтди ва 1:0 ҳисобида аргентиналикларнинг ғалабаси билан якунланди. Ягона гол 63-дақиқада Николас Отаменди томонидан киритилди.
Трибуналарда мадҳиялар янграётган пайтда бошланган тартибсизликлар туфайли ўйин бошланиши деярли ярим соатга кечиктирилди. Бразилиялик ва аргентиналик мухлислар ўзаро муштлаша бошлашган ва полиция аралашиб, куч ишлатган. Бир неча киши яраланган. Аргентиналик футболчилар вазиятга аралашишга ҳаракат қилишди ва кейин майдонни тарк этишди ва вазият бартараф этилгач, ортга қайтишди. Натижада учрашув кеч бошланди.
"Футболдаги зўравонликни майдонда ҳам, майдон ташқарисида ҳам мутлақо қабул қилиб бўлмайди. Бразилия ва Аргентина ўртасидаги ўйиндаги каби воқеалар бизнинг спортда ҳам, жамиятда ҳам ўрин йўқ. Ҳар бир футболчи, мухлис, ходимлар ва амалдорлар ўзларини хавфсиз ҳис қилишлари ва футбол ўйнашлари ва завқланишлари керак ва мен тегишли органлардан бу барча даражада ҳурмат қилинишини таъминлашни сўрайман", — деб пост қолдирди Инфантино ижтимоий тармоқда.
