Xalqaro futbol federasiyasi (FIFA) prezidenti Janni Infantino JCH-2026 saralash bosqichi doirasidagi Braziliya va Argentina o‘yini boshlanishidan oldin "Marakana" stadioni tribunasida sodir bo‘lgan voqeani qoraladi.
Uchrashuv 22 noyabr kuni tongda Rio-de-Janeyroda bo‘lib o‘tdi va 1:0 hisobida argentinaliklarning g‘alabasi bilan yakunlandi. Yagona gol 63-daqiqada Nikolas Otamendi tomonidan kiritildi.
Tribunalarda madhiyalar yangrayotgan paytda boshlangan tartibsizliklar tufayli o‘yin boshlanishi deyarli yarim soatga kechiktirildi. Braziliyalik va argentinalik muxlislar o‘zaro mushtlasha boshlashgan va polisiya aralashib, kuch ishlatgan. Bir necha kishi yaralangan. Argentinalik futbolchilar vaziyatga aralashishga harakat qilishdi va keyin maydonni tark etishdi va vaziyat bartaraf etilgach, ortga qaytishdi. Natijada uchrashuv kech boshlandi.
"Futboldagi zo‘ravonlikni maydonda ham, maydon tashqarisida ham mutlaqo qabul qilib bo‘lmaydi. Braziliya va Argentina o‘rtasidagi o‘yindagi kabi voqealar bizning sportda ham, jamiyatda ham o‘rin yo‘q. Har bir futbolchi, muxlis, xodimlar va amaldorlar o‘zlarini xavfsiz his qilishlari va futbol o‘ynashlari va zavqlanishlari kerak va men tegishli organlardan bu barcha darajada hurmat qilinishini ta’minlashni so‘rayman", — deb post qoldirdi Infantino ijtimoiy tarmoqda.
