Мавсум охирида Жоау Феликсни сотиб олиш «Барселона» учун устувор вазифа бўлмайди. Бу ҳақда El Chiringuito TV телеканали журналистлари маълум қилди.
Қайд этилишича, «Барселона» Феликсни яна ижарага олишга ёки 20-30 миллион еврога сотиб олишга тайёр, бироқ бундан ортиғи клубга тўғри келмайди. Аввалроқ, матбуотда «Атлетико» 24 ёшли португалияликни камида 70 миллион еврога сотишга тайёр эканлиги ҳақида маълумотлар пайдо бўлганди.
Жоау Феликс «Барселона» сафида 14 та ўйин ўтказиб, 3 та гол урди ва жамоадошларига 3 та голли узатмани амалга оширди.
