"Реал Мадрид" бош мураббийи Карло Анчелотти Родриго жамоага ёрдам бера оладими, деган саволга жавоб берди.

Эслатиб ўтамиз, бразилиялик футболчи терма жамоа сафида бўлганида тиззасидан жароҳат олганди. Унинг жароҳати унчалик жиддий эмаслиги хабар қилинганди.

"Родриго яхши. У бугун машғулот ўтказди. Тизза яхши, оғриқ йўқ. Эртага у ўйнайди", - деди Анчелотти Madrid Xtra билан суҳбатда.

Жорий мавсумда Родриго “қаймоқранглилар” сафида 17 та ўйинда майдонга тушиб, 5 та гол урди ва 4 та голли узатмани амалга оширди.

Эртага, 26 ноябр куни Мадриднинг “Реал” клуби Ла Лиганинг 14-тури доирасида “Кадис” билан меҳмонда учрашади. Ўйин Тошкент вақти билан 22:30да бошланади.