"Манчестер Юнайтед" бош мураббийи Камерун терма жамоасида жароҳат олган жамоа дарвозабони Андре Онананинг аҳволи ҳақидаги саволга жавоб берди.

Нидерландиялик мутахассиснинг сўзларига кўра, дарвозабон жароҳатидан фориғ бўлиб, “Эвертон”га қарши ўйнашга тайёр.

“Андре яхши. У бизнинг машғулотларимизда иштирок этди. Ҳаммаси яхши”, деди тен Хаг журналистларга.

Жорий мавсумда 27 ёшли Онана барча турнирларда 18 та ўйин ўтказиб, ўз дарвозасидан 30 та гол ўтказиб юборди ва олти марта ўз дарвозаси дахлсизлигини сақлаб қолишга муваффақ бўлди.