«Марсель» жамоасини бошқараётган италиялик мураббий Женнаро Гаттузо «Страсбург»га қарши (1:1) жамоасининг Франция чемпионатининг 13-тур учрашувидан сўнг фикр билдирди.
«Иккинчи бўлим... Мени кечиринг, лекин бу даҳшат эди. Биз умуман ҳеч нарса қилмадик. Мен жуда ғазабланганман. Бу менинг раҳбарлигимдаги жамоанинг энг ёмон тайми эди.
Қандай қилиб бундай ўйнашингиз мумкинлигини билмайман. Бу муваффақиятсизлик. Мен бундай ўйиндан кўра 0:4 ҳисобида мағлуб бўлганимиз яхши эди», - деди мутахассис.