"Интер" ҳужумчиси Лаутаро Мартинесга Англия Премьер-лигасининг икки вакили қизиқиш билдирмоқда.
"Нерадзуррилар" раҳбарияти аргентиналик футболчи билан шартномани узайтиришни анчадан бери ният қилган, бироқ ҳозирча келишув эълон қилингани йўқ. Журналист Экрем Конурга кўра, 26 ёшли Мартинесга даъвогарлар орасида Лондоннинг икки клуби - "Челси" ва "Арсенал" бор. "Интер" январдаги трансфер ойнасида сардори билан хайрлашмоқчи эмас.
Лаутаро Мартинес жорий мавсум Симоне Индзаги жамоасида 16 та ўйинда майдонга тушиб, 14 та гол урди. "Transfermarkt" портали форварднинг нархини 100 миллион еврога баҳоламоқда.
