Англия футболи тарихида шундай давр бўлганки, терма жамоада фантастик юлдуз ҳужумчилар ҳаракат қилган. Ҳозирги давр ҳақида эса бундай деб бўлмайди. Гарет Саутгейт ихтиёрида унчалик ҳам катта танлов имконияти мавжуд бўлмасада, ярқ этиб кўзга ташланган номлар мавжуд. Қуйида Англия терма жамоаси Евро-2024 да фойдаланиши мумкин бўлган марказий ҳужумчиларга эътибор қаратамиз.
5. Айван Тауни
Тауни онлайн қимор ўйинига пул тиккани учун футболдан анча четда қолмоқда. "Брентфорд" ҳужумчиси тақиққа учрагунига қадар, ўтган мавсум давомида 21 та голга муаллифлик қилган. Бу эса АПЛда Холанд ва Кейндан кейинги энг яхши кўрсаткич эди. У январь ойидан бошлаб майдонга қайтиши мумкин бўлади. Бахтга қарши, Гарет Саутгейт унчалик ҳам таваккалчи мутахассис эмас. Шу сабабли Тауни бошқа терма жамоага чақирилмаса керак. Харҳолда, Европа чемпионатига қадар бундай бўлмайди. Аммо 27 ёшли ҳужумчининг таланти ва даражасига гап-сўз бўлиши мумкин эмас. Бекорга унга "Челси" қизиқиш билан қарамаяпти.
4. Эдди Нектиа
Эдди Нкетиа яхши даражадаги ҳужумчи. Аммо унинг 21 ёшли терма жамоадаги тўпурарлик мақоми ҳеч нарсани англатмайди. Нкетиа ҳали ёш, аммо унинг даражаси терма жамоадаги ўрин учун курашишга етиши сўроқ остида қолмоқда. Аммо керак вақтда, у доимо Габриэл Жезус ўрнини тўлдириб, АПЛда голлар ура олади.
3. Каллум Уилсон
Уилсон ҳозир жароҳат олгани сабабли майдонга туша олмаяпти. Унинг ўрнини тўлдирган Александер Исак эса "Ньюкасл"га фойда келтира олмоқда. Уилсон Қатардаги мундиалда Харри Кейн ўрнини тўлдирувчи вазифасини бажарган эди. Шундай экан, у Германиядаги қитъа чемпионатида ҳам бу ишни яна бир бор қилиши мумкин. Агарда ўша вақтгача ҳаммаси жойида бўлса, Уилсонда яхшигина имконият бўлади.
2. Олли Уоткинз
Уоткинз бундан бор-йўғи беш йил илгари Англиянинг бешинчи дивизионида ўйнаётган эди. Ҳозир уни кўрган мухлислар юқоридаги маълумотга ишониши қийин, албатта. "Астон Вилла" вакили Унаи Эмери билан ўз жамоаси жонига оро кирмоқда. Еврокубоклар қатнашчиси бўлган клуб учун Уоткинз кўпроқ нарса таклиф этишга интилмоқда. Агарда у порлашда давом этса, Саутгейт унга Евро-2024 қатнашчилигини совға қилиши мумкин.
1. Харри Кейн
Англиянинг энг муҳим вакилига ҳам етиб келдиж. Томас Тухель айтганидек, Кейн Англиянинг халоскори ва уни асосий жамоага киритмаслик имконсиз иш. Ҳақиқатдан ҳам шундай. Агарда Кейн соғ-саломат бўлиб турса, бутун миллат келаси ёзда айнан унинг ҳаракатларидан умидвор бўлади. Харри Кейн ҳозирга қадар инглизлар сафида барча даврларнинг энг яхши тўпурарига айланиб улгурган.
ИСМАТОВ Ж.
