Таниқли инсайдер Фабрицио Романо Жейдон Санчонинг "Манчестер Юнайтед"дан "Ювентус"га ўтиши мумкинлиги ҳақида гапирди.
Сентябрь ойида бош мураббий Эрик тен Хаг билан можародан сўнг қанот ҳужумчиси "қизил иблислар" таркибига қайтарилиши даргумон - клуб январда 23 ёшли футболчидан қутулишга ҳаракат қилади. Романонинг сўзларига кўра, “Ювентус” аллақачон Санчо вакиллари билан боғланиб, қишки трансфер ойнасида инглиз футболчисини ижарага олиш ниятини маълум қилган. "Кекса синьора" раҳбарияти "МЮ" футболчига маошининг асосий қисмини тўлашда давом этишини истамоқда.
Санчо жорий мавсумда бор йўғи учта ўйинда майдонга туша олди. 2021 йилда у Дортмунднинг "Боруссия"сидан 85 миллион еврога сотиб олинганди.
