"Брест" мухлислари Лига 1нинг 13-тури доирасидаги "Монпелье"га қарши сафар учрашувидан (1:3) қайтаётганда ҳужумга учради, деб хабар бермоқда клуб расмий сайти.
Мухлислар кетаётган автобус тошбўрон қилинган. Айрим йўловчилар енгил тан жароҳати олган. Автобуснинг ойналари синган.
"Бўлган воқеа жуда жиддий. Агар автобуснинг олд қисмига ташланган тош икки метр пастга тушиши, ҳайдовчига жароҳат етказиши мумкин эди ва шунинг учун автобус катта йўлда ҳаракатланаётганда авария хавфи юқори бўлар эди. 60 нафар мухлисимизга қандай фалокат олиб келишини тасаввур қила олмайман.
Нима бўлганини яхшироқ тушуниш учун барча хавфсизлик кучлари билан маслаҳатлашамиз. Яна бир бор бутун клуб каби мухлисларимизни қўллаб-қувватлашимни билдирмоқчиман ва ҳақиқий фожиа билан якунланиши мумкин бўлган бундай воқеалар давом этаётганидан афсусдаман", - деди "Брест" бош директори Паскаль Роберт.