"Brest" muxlislari Liga 1ning 13-turi doirasidagi "MonpelYE"ga qarshi safar uchrashuvidan (1:3) qaytayotganda hujumga uchradi, deb xabar bermoqda klub rasmiy sayti.
Muxlislar ketayotgan avtobus toshbo‘ron qilingan. Ayrim yo‘lovchilar yengil tan jarohati olgan. Avtobusning oynalari singan.
"Bo‘lgan voqea juda jiddiy. Agar avtobusning old qismiga tashlangan tosh ikki metr pastga tushishi, haydovchiga jarohat yetkazishi mumkin edi va shuning uchun avtobus katta yo‘lda harakatlanayotganda avariya xavfi yuqori bo‘lar edi. 60 nafar muxlisimizga qanday falokat olib kelishini tasavvur qila olmayman.
Nima bo‘lganini yaxshiroq tushunish uchun barcha xavfsizlik kuchlari bilan maslahatlashamiz. Yana bir bor butun klub kabi muxlislarimizni qo‘llab-quvvatlashimni bildirmoqchiman va haqiqiy fojia bilan yakunlanishi mumkin bo‘lgan bunday voqealar davom etayotganidan afsusdaman", - dedi "Brest" bosh direktori Paskal Robert.
