«Барселона» ярим ҳимоячиси Андрес Иньеста «Малага»га қарши кечган учрашувдан сўнг ўз фикрлари билан ўртоқлашди.
«Ҳар бир футболчининг индивидуал маҳорати жамоага наф келтиради. Биз меҳнатимизга яраша натижаларга эришмоқдамиз деб ўйлайман. Биз мана шу ўйинимизни мавсум сўнгигача сақлаб қолишимиз керак.
Эртами кечми, барибир бир кун премьерода енгиламиз. Лекин, шунга қарамай мағлубиятсиз сериямизни имкони борича узоқроқ давом эттиришга ҳаракат қиламиз. Бу натижалар фақатгина мавсум тугаганидан кейин маъно англатиши мумкин»,- деб футболчининг сўзларидан иқтибос келтиради клуб расмий сайти.