"Манчестер Сити" ҳужум чизиғини кучайтира оладиган куч топди. Todofichajes нашри хабарига кўра, Португалия терма жамоаси ва "Милан" ҳужумчиси Рафаэль Леау "шаҳарликлар"нинг қисқа рўйхатига киритилган. Премьер-лига чемпиони келаси ёзда футболчининг трансферини расмийлаштирмоқчи.
24 ёшли португалияликнинг “россонерилар” билан шартномаси 2028 йилнинг ўрталарига қадар тузилган. Унинг миланликлар билан шартномасида товон пули 175 миллион еврони ташкил этади. Катта молиявий имкониятларга эга "шаҳарликлар" бу миқдорни тўлашга қодир.
Жорий мавсумда Леау Италия чемпионатида 12 та ўйин ўтказди. Ҳужумчи учта гол урди ва учта голли узатмани амалга оширди.
