Ўзбекистон Футбол ҳакамлари маркази (ЎзФҲМ) томонидан Суперлига 26-тур баҳсларида фаолият юритадиган расмийлар рўйхати эълон қилинди.

Унга кўра, мазкур турдан ўрин олган, “водий дербиси” мақомидаги  “Навбаҳор” -  “Нефтчи” жамоалари ўртасидаги учрашувда хорижлик ҳакамлар фаолият олиб борадиган бўлишди.

Мазкур ўйинни саудиялик Сами ал-Журайс бошқаради. Унга қанотларда ҳамюртлари Муҳаммад ал-Абкарий ва Файсал ал-Қаҳтоний ёрдам беришади.  

Эслатиб ўтамиз, “Навбаҳор” -  “Нефтчи” жамоалари ўртасидаги учрашув 1 декабрь куни Намангандаги “Марказий” стадионида соат 17:15 да старт олади.

Суперлига, 26-тур. 01.12.2023 (жума). 17:15
“НАВБАҲОР” (Наманган) - “НЕФТЧИ” (Фарғона)
“Марказий” стадиони. Наманган
Ҳакамлар: Сами ал-Журайс, Муҳаммад ал-Абкарий, Файсал ал-Қаҳтоний (барчаси Саудия Арабистони);
Захира ҳаками: Акмал Раҳимов;
VAR ҳаками: Султон ал-Ҳарбий (Cаудия Арабистони);
AVAR: Бахтиёрхўжа Шавкатов;
Назоратчи: Валентин Коваленко;
Комиссар: Шоҳруҳ Саид.