Мадриднинг “Реал” клуби ярим ҳимоячиси Жуд Беллингем Чемпионлар лигаси гуруҳ босқичи 5-тури доирасида “Наполи”га қарши (4:2) учрашувнинг энг яхши футболчиси деб топилди. 20 ёшли инглиз футболчисида гол ва голли узатма бор.
"У тўп билан бирга бўлганида, футбол оддий ўйин каби кўринади. Майдондаги барча ўйинчилардан устун бўлган у "Реал Мадрид"да ўйнашни бир лаҳзага ҳам тўхтатмади. Унинг голи ва голли узатмаси рақиблар ўртасидаги даражадаги фарқни аниқлаб берди", - дея УЕФАнинг техник кузатувчилар гуруҳи фикрини келтирган ташкилот расмий сайти.
“Реал Мадрид” 15 очко билан “C” гуруҳида пешқадамлик қилишда давом этмоқда ва аввалроқ плей-оффга чиқишни кафолатлаганди. “Наполи” 7 очко билан иккинчи ўринда, “Брага”дан 3 очко олдинда.
