"Арсенал" бош мураббийи Микель Артета жамоасининг Чемпионлар лигаси гуруҳ босқичи 5-турида "Ланс" билан ўйиндаги йирик ғалабаси ҳақида фикр билдирди. Учрашув Лондонда бўлиб ўтди ва 6:0 ҳисобида мезбонларнинг йирик ғалабаси билан якунланди.
"Мен жуда ҳурсандман. Бугун саралаш ва гуруҳда ғалаба қозониш имкониятига эга бўлдик. Биз буни мухлисларимиз олдида ажойиб тарзда бажардик. Футболчилар мукофотга лойиқ. Бу катта ютуқ, чунки биз жуда яхши жамоага қарши ўйнадик. Биздан талаб қилинган ишни бажардик. Энди жамоа ривожланишда давом этиши ва барқарор бўлиши керак", - дея Артета сўзларини келтиради УЕФА расмий сайти.
"Арсенал" Чемпионлар лигасининг плей-офф босқичига йўл олишини кафолатлади. Жамоа ҳозирда 12 очко билан ўз гуруҳида якка пешқадамлик қилмоқда.
