Кеча Чемпионлар лигаси гуруҳ босқичининг 5-тури якунига етди, унда «Реал» «Наполи»ни мағлуб этди (4:2), «Манчестер Сити» эса «РБ Лейпциг»дан (3:2) кучлироқ бўлиб чиқди.
Бу ғалабалар жамоаларнинг жорий Чемпионлар лигасидаги қаторасига бешинчи ғалабаси бўлди. Айтиш жоизки, «Реал» ва «Манчестер Сити» бешта ўйинда бешта ғалаба қозонган ягона жамоадир.
Гуруҳ босқичининг сўнгги турида Карло Анчелотти шогирдлари «Унион Берлин»га қарши сафарда ўйнайди, Пеп Гвардиола шогирдлари эса Сербиянинг «Срвена Звезда» клуби меҳмони бўлади. Учрашувлар мос равишда 12 ва 13 декабрь кунлари бўлиб ўтади.
