Kecha Chempionlar ligasi guruh bosqichining 5-turi yakuniga yetdi, unda «Real» «Napoli»ni mag‘lub etdi (4:2), «Manchester Siti» esa «RB Leypsig»dan (3:2) kuchliroq bo‘lib chiqdi.
Bu g‘alabalar jamoalarning joriy Chempionlar ligasidagi qatorasiga beshinchi g‘alabasi bo‘ldi. Aytish joizki, «Real» va «Manchester Siti» beshta o‘yinda beshta g‘alaba qozongan yagona jamoadir.
Guruh bosqichining so‘nggi turida Karlo Anchelotti shogirdlari «Union Berlin»ga qarshi safarda o‘ynaydi, Pep Gvardiola shogirdlari esa Serbiyaning «Srvena Zvezda» klubi mehmoni bo‘ladi. Uchrashuvlar mos ravishda 12 va 13 dekabr kunlari bo‘lib o‘tadi.
