Европа лигаси гуруҳ босқичининг 5-туридан ўрин олган "Хеккен" – "Байер" учрашуви бўлиб ўтди. Учрашув "доричилар"нинг 2:0 ҳисобидаги ғалабаси билан якунланди.
Леверкузенликлар учун бу ғалаба УЕФА Европа лигасининг 2023/24 йилги мавсуми гуруҳ босқичидаги бешинчи ғалаба бўлди. Шу тариқа, улар 1994/95 йилги мавсумда УЕФА кубогида ўрнатилган клуб рекордини такрорлашга муваффақ бўлишди. "Байер" ҳеч қачон Европа кубогида кетма-кет бешта ўйинда ғалаба қозона олмаганди.
Умуман олганда, Хаби Алонсо шогирдлари барча турнирларда кетма-кет 14 та ғалабага эришган.
