Каталониянинг «Барселона» клуби президенти Сандро Россел испан матбуотига берган интервьюсида «Манчестер Сити» вакиллари каталониялик бир қатор футболчиларни ўз таркибига жалб қилмоқчи бўлгани ҳақида гапириб ўтди.
«Манчестер Сити» футболчиларимизни сотиб олмоқчи бўлди, аммо бунга улугура олмади. Боз устига улар клубимизнинг барча тизимида фаолият олиб бораётган ходимларни олиб кетмоқчи бўлишди. Улар клубимизга балиқчилардек қармоқ ташлаб кўришди. Аммо, ҳеч ким уларнинг қармоғига тушмади», дейди Россел.
Эслатиб ўтамиз, ҳозирда «Манчестер Сити»да бир пайтлари «Барселона»да ишлаган Чики Бегиристайн фаолият олиб бормоқда.