Роберто де Дзерби бошчилигидаги Англиянинг “Брайтон” клуби клуб тарихида илк бор Европа клублар ўртасидаги футбол турнирининг плей-офф босқичига йўл олди.
Пайшанба оқшомида “чайқалар” меҳмонда АЕКга қарши майдонга тушди ва минимал ғалабага эришди – 1:0. Бу натижа клубга жорий УЕФА Европа лигасининг плей-офф босқичига муддатидан аввал чиқиш имконини берди. Эндиликда жамоа 10 очкога эга ва гуруҳ босқичи якунланишига бир тур қолганида гуруҳда биринчи ўринни эгаллаб турибди. “Марсель” 8 очко билан иккинчи ўринда бормоқда. АЕК тўрт очко билан учинчи ўринда, "Аякс" икки очко билан тўртликни ёпди.
Эслатиб ўтамиз, "Брайтон"нинг жорий мавсумда еврокубоклардаги иштироки ҳам тарихда биринчисидир.
