Европа Лигаси гуруҳ босқичи 5-тур учрашувида ЛАСКни мағлуб этган "Ливерпуль" жорий мавсумдаги дастлабки 10та уй ўйинида 10-ғалабасини қўлга киритди.
"Мерсисайдликлар" тарихида жамоа барча мусобақаларни инобатга олган ҳолда дастлабки 10 та уй ўйинида ғалаба қозонган тўртта ҳолат бўлган. Бу "қизиллар" билан биринчи марта 1893/1894 йилги мавсумда (16 ғалаба), кейин 1972/1973 йилги мавсумда (11) ва 1985/1986 мавсумида (13) содир бўлганди. ЛАСК билан ўйин натижаларига кўра, "Ливерпуль" бешта ўйинда 12 очко тўплади. Юрген Клопп шогирдлари биринчи ўрин билан турнирнинг плей-офф босқичига йўлланма олди. ЛАСК уч очко тўплади ва гуруҳда тўртинчи ўринни эгаллаб турибди.
Англия Премьер-лигасида "Ливерпуль" пешқадам "Арсенал"дан икки очко ортда қолиб, учинчи ўринда бормоқда.
