Каталониянинг "Барселона" жамоаси ярим ҳимоя чизиғига қўшимча ўйинчилар қидирмоқда. Todofichajes'нинг сўзларига кўра, "Бавария" ярим ҳимоячиси Жошуа Киммих "кўк-анорранглилар" учун устувор вариант бўлиб қолмоқда.
Агар немислар билан музокаралар муваффақиятсиз якунланса, "Барселона" Тиаго Алькантара ёки Жоржиньо вариантига ўтиши мумкин. Янги ярим ҳимоячининг трансфери келаси мавсумни ҳисобга олган ҳолда амалга оширилади.
Жорий Испания чемпионатида Каталония гранди 14 турдан кейин 31 очко жамғарган. Хави Эрнандес шогирдлари Ла Лига турнир жадвалида учинчи ўринда бормоқда.
