Пайшанба куни «Ливерпуль» ЛАСКни мағлуб этди (4:0) ва Европа Лигасида ўз гуруҳида биринчи ўринни эгаллади.
Англия клуби бош мураббийи Юрген Клопп ўйиндан сўнг Европа Лигасини иккинчи даражали турнир деб ҳисобламаслигини айтди.
«Биз ҳар қандай мусобақада иштирок этсак, бу сайёрадаги энг муҳим мусобақа ҳисобланади. Бу жуда оддий қараш.
Якшанба куни бизни Премьер-лига учрашуви кутиб турибди ва ҳозир бу, албатта, биз учун энг муҳим мусобақа.
Лекин биз Европа лигасида ҳам имкон қадар узоққа боришни истаймиз», деди Клопп журналистларга.