Payshanba kuni «Liverpul» LASKni mag‘lub etdi (4:0) va Yevropa Ligasida o‘z guruhida birinchi o‘rinni egalladi.

Angliya klubi bosh murabbiyi Yurgen Klopp o‘yindan so‘ng Yevropa Ligasini ikkinchi darajali turnir deb hisoblamasligini aytdi.

«Biz har qanday musobaqada ishtirok etsak, bu sayyoradagi eng muhim musobaqa hisoblanadi. Bu juda oddiy qarash.

Yakshanba kuni bizni Premyer-liga uchrashuvi kutib turibdi va hozir bu, albatta, biz uchun eng muhim musobaqa.

Lekin biz Yevropa ligasida ham imkon qadar uzoqqa borishni istaymiz», dedi Klopp jurnalistlarga.