Тошкентнинг икки жамоаси "Пахтакор" ва "Бунёдкор" Суперлига 26-турида тўқнаш келишди. "Пахтакор" марказий стадионида бўлиб ўтган баҳс 2:3 ҳисобида "қалдирғочлар" фойдасига ҳал бўлди.
Ўйинда "шерлар" Пўлатхўжа Холдорхоновнинг 11-дақиқадаги голи билан ҳисобни очишди. "Бунёдкор" бу голга 1-бўлимнинг ўзида Шоҳрух Абдураҳмонов (34) ва Веллингтон Таиранинг (37) голлари билан жавоб қайтарди.
Иккинчи бўлим бошида Драган Черан гол уриб, мувозанатни тиклади ва чемпионат тўпурари бўлишини расмийлаштирди. Аммо 59-дақиқада Маҳмуд Муҳаммаджонов "қалдирғочлар"га ғалаба келтирган голни урди.
"Пахтакор" чемпионатни 53 очко билан 1-ўринда якунлаган бўлса, "Бунёдкор" 37 очко билан 8-поғонани олди.
