"Лион" клуби спорт директори лавозимига Давид Фриио тайинланганини эълон қилди. 50 ёшли франциялик мутахассиснинг биринчи вазифаси янги бош мураббий топиш бўлади.
Фриио бунгача бир ярим йил давомида "Марсель" спорт директори лавозимида ишлаган, бунгача эса техник директор ва бош скаут лавозимларида ишлаган. У шунингдек, "Сент-Этьен", "Манчестер Юнайтед" ва "Ноттингем Форест"да ўйинчиларни қидиришга масъул эди.
Шу ҳафтада "Лион" Фабио Гроссони бош мураббий лавозимидан четлатилганини эълон қилди. У шу йилнинг сентябрь ойидан буён жамоани бошқариб келаётган эди. Унинг қўл остида "тўқувчилар" 7 учрашув ўтказиб, 1 тасида ғалаба қозонган ва икки бор дуранг ўйнаган.
