"Ливерпуль" "ПСЖ" ҳужумчиси Килиан Мбаппени қўлга киритиш учун курашдан воз кечди.
Флориан Платтенберг хабарига кўра, айни дамда 24 ёшли франциялик футболчининг 2024 йилнинг ёзида трансфери клуб учун устувор вазифа эмас. "Реал Мадрид" ҳамон Мбаппени келаси йил ёки ундан кейинги йил сотиб олиш учун асосий номзод бўлиб турибди.
Мбаппенинг "ПСЖ" билан шартномаси 2024 йилнинг ёзига қадар мўлжалланган. Жорий мавсумда у парижликлар сафида барча турнирларда 17 та ўйин ўтказиб, 17 та гол урди ва 2 та голли узатмани амалга оширди. "Transfermarkt" портали футболчининг нархини 180 миллион еврога баҳолаган.
