Ҳуқуқлари Бразилиянинг “Коринтианс” клубига тегишли бўлган ярим ҳимоячи Габриэль Москардо Европа грандига ўтишга яқин турибди. 18 ёшли футболчининг янги клуби "ПСЖ" бўлади.

Манба берган хабарга кўра, парижликлар истиқболли ярим ҳимоячининг трансфери бўйича барча тафсилотларни келишиб олган. Шартнома 2024 йилнинг январида расмийлаштирилади. Трансфер суммаси тахминан 22 миллион еврони ташкил қилади.

Жорий мавсумда Москардо Бразилия чемпионатининг 17та учрашувида иштирок этди. Таянч ярим ҳимоячи битта голли узатмани амалга оширди ва бешта сариқ карточка олди.