"Барселона" ҳужумчиси Роберт Левандовски мавсумнинг биринчи ярмидаги ўйинидан хавотирда эмас. Эслатиб ўтамиз, польяк ҳозирда Испания чемпионатида 7 та гол ва 3 та голли узатмага эга бўлиб, бир нечта футболчилар билан тўпурарлар жадвалида 4-ўринни бўлишиб турибди.
"Sport" нашри хабарига кўра, Левандовски мавсумнинг иккинчи ярмида оптимал формага кириб, кўпроқ гол ура бошлашига ишонмоқда. Польякнинг ишончи комилки, бутун жамоа мавсумнинг иккинчи ярмида яхшироқ ўйин кўрсатади.
Эслатиб ўтамиз, Левандовскининг "Барселона" билан шартномаси 2025 йилнинг ёзида якунига етади. Шу билан бирга, яқинда Роберт жорий мавсум якунида Саудия Арабистонига ўтиши мумкинлиги ҳақида хабарлар тарқалган эди.
