Каталониянинг "Барселона" клуби ярим ҳимоячиси Илкай Гюндоган Хави Эрнандеснинг жамоани тарк этиши ҳақидаги миш-мишларга изоҳ берди.
Аввалроқ, немис футболчисига Туркиянинг “Галатасарой” клуби ва Саудия Арабистонининг бир қатор клублари қизиқиш билдираётган эди.
"Галатасарой ва Саудия Арабистони ҳақидаги миш-мишлар? Мен бунга кўникишим керак. Атрофда кераксиз шов-шув кўп. Мен ҳозир қаерда эканлигимдан хурсандман. Мен оилам учун уй топдим ва янги муҳитга яхшироқ мослашаяпман", - деди Гюндоган Barca Universal билан суҳбатда.
Гюндоган ўтган ёзда "Манчестер Сити"дан "Барселона"га келиб, эркин агент сифатида уч йиллик шартнома имзолаган эди.
