"Ал-Ҳилол" ҳимоячиси Рубен Невеш яқинлашиб келаётган трансфер ойнасида ижара асосида Англиянинг "Ньюкасл" клубига ўтиши мумкинлиги ҳақидаги миш-мишларга изоҳ берди.
"Мен "Ньюкасл"га бормайман. Мен бу ерда яхши ишлаяпман ва "Ал-Ҳилол"да қолмоқчиман", — деди Невеш BBC Sport билан суҳбатда.
Эслатиб ўтамиз, аввалроқ ОАВда португалиялик футболчи Саудия Арабистони давлат инвестиция жамғармасига тегишли бўлганлиги сабабли “Ньюкасл” сафига бемалол кўчиб ўтиши ҳақида миш-мишлар тарқалган эди.
Жорий мавсумда 26 ёшли футболчи барча мусобақаларда 19 та учрашувда иштирок этиб, иккита гол ва 3 та голли узатмага муаллифлик қилган. Transfermarkt порталида берилган маълумотларга кўра, футболчининг бозор қиймати 40 миллион еврони ташкил қилади.
