Хорватия терма жамоаси бош мураббийи Златко Далич 2024 йилги Европа чемпионатига қуръа ташлаш натижаларини сарҳисоб қилди.

Евро-2024 да Хорватия терма жамоаси Испания, Италия ва Албания билан бир гуруҳдан жой олди.

"Албатта, бу турнирдаги энг қийин гуруҳ. Мақсадимиз нима эканлигини биламиз: гуруҳ босқичидан ўтиш ва мен оптимистман. Биз ўтган сафар чемпион бўлган Италия термаси ва Миллатлар лигасида ғолиб чиққан Испания билан тўқнаш келдик. Демак, гуруҳдаги сўнгги ўйинимиз Италияга қарши ҳал қилувчи бўлиши мумкин.

Италия ҳозир жуда яхши кўринмоқда, улар амалдаги Европа чемпиони ва чемпионликни ҳимоя қилишни хоҳлашади. Тайёрланишимиз учун яна олти ой вақтимиз бор. Энг муҳими, Лука Модрич, Иван Перишич ва Марсело Брозович каби футболчилар яхши формада", — деди Далич Football Italia билан суҳбатда.