Диего Симеоне "Атлетико Мадрид" - "Барселона" учрашувидан олдин ўз фикрларини билдириб ўтди.
“Жуда яхши ўйинчиларга эга жамоага қарши чиройли ўйин кутаман. Уларни Хави яхши бошқаради, унинг ғоялари жуда аниқ. Биз ўйинни уларга зарар етказишимиз мумкин деб ҳисоблаган жойга кўчиришга ҳаракат қиламиз. Биз ўз йўналишимизга эргашмоқчимиз.
Биз учун барқарорлик муҳим. Келинг, ҳамма нарсани шу нуқтаи назардан баҳолайлик. Келаси ҳафта “Альмерия”га қарши, ҳозир эса Ла Лигада ғалаба учун охиригача курашадиган жамоага қарши ўйнаймиз.
Бу ҳар доимгидек қийин рақиб. "Атлетико"га келганимиздан бери ҳали "Барселона"га қарши ғалаба қозона олмадик.
"Атлетико" "Барселона" ва "Реал" билан тафовутни йўққа чиқаргани ҳақида:
"Буни баҳолаш қийин. "Барселона" ва "Реал" ҳар доим мавсумни ғалаба қозониш имконияти билан бошлашади. Сўнгги пайтларда биз сўзларга эмас, амалларга таяниб, орқада қолишни камайтирдик. Биз масофани қисқартириш устида ишлашда давом этамиз”, - деди Симеоне.
Ла Лиганинг 15-туридан ўрин олган ўйин бугун Тошкент вақти билан 01:00 да бошланади.
