Туриннинг «Ювентус» клуби собиқ ҳимоячиси Андреа Бардзальининг фикрича, Массимилиано Аллегри жамоаси А Серияда биринчи ўринни эгаллашга лойиқ.

Эслатиб ўтамиз, «Интер» бугун «Наполи»га ютқазса, «кекса синёра» чемпионатда биринчи ўринни сақлаб қолади.

«Ювентус» ўтган мавсумдан фарқ қилади. Клубда бошқача руҳ бор. Аллегри жамоага хос бўлган тўғри менталитетни қайтарди.

«Ювентус» А Серияда биринчи ўринни эгаллашга лойиқ. Жамоа «Монца»дан голни ўтказиб юборганидан кейин ҳам футболчилар йиғилиб, ғалабани тортиб олишди», - дея Бардзальининг сўзларини келтиради La Gazzetta dello Sport.