Польшалик ҳужумчи Роберт Левандовски “Барселона”ни эрта тарк этиши мумкин. Бу ҳақда Sport.es нашри хабар бермоқда.

Манбанинг хабар беришича, футболчи ва клуб ўртасидаги шартномада "Барселона" шартномани текин бекор қилиши мумкин бўлган банд бор. Агар Левандоски 2024/2025 йилги мавсумда жамоа сафида 55 фоиздан кам ўйин ўтказса, бу амалга ошиши мумкин бўлади.

Роберт эртароқ кетган тақдирда, каталониялик гранд унинг маошини жиддий равишда тежаши мумкин. Томонлар ўртасидаги амалдаги шартнома 2026 йилнинг ёзида якунига етади.

Ла Лиганинг жорий мавсумида форвард 12 учрашувда 7 та гол урди ва 3 та голли узатмани амалга оширди.