Каталониянинг "Барселона" клуби ҳимоячиси Рональд Араухо "Атлетико Мадрид" ва "Жирона" билан ўйинларда очко йўқотса, жамоаси фожиага дучор бўлади, деб ўйламайди. Эслатиб ўтамиз, айнан мана шу жамоалар билан "Барселона" Испания чемпионатининг кейинги икки турида тўқнаш келади.

"Атлетико" ва "Жирона" билан очко йўқотадиган бўлсак, бу ҳеч нарсани англатмайди, чунки чемпионат шу билан тугамайди", - деди уругвайлик ҳимоячи Barca Universal билан суҳбатда.

Эслатиб ўтамиз, "Жирона" ва "Атлетико" Испания чемпионати турнир жадвалида ҳамон "Барселона"дан юқорида жойлашган. "Кўк-анорранглилар" тўртинчи ўринни эгаллаб туришибди.