"Ливерпуль" бош мураббийи Юрген Клопп Англия чемпионатининг 14-тури доирасида бўлиб ўтган «Фулхэм»га қраши ўйин (4:3) борасида ўз фикрини билдириб ўтди.

«Назаримда, бундай чиройли голларга бой ўйинни ҳеч қачон кўрмагандим. Аммо ўзимизнинг аҳмоқлигимиз туфайли мазку баҳсда ютқазиб қўйишимизга оз қолди. Биринчи бўлимда мудофаа чизиғида расво ўйнаганимиз учун рақибга голлар совға қилдик.  

Футболда барча нарсани кичик деталлар ҳал қилади. Биз ҳақиқатан яхши ўйнадик, кўп яхши вазиятлар яратдик, аммо танаффусга 2:2 ҳисобида йўл олдик. Бу биринчи бўлимга мос эдик.

Рақиб таслим бўлмади ва ажойиб гол урди. Ҳисоб 2:3 кўринишга келгач, «Фулхэм» футболчиларининг барчаси, эҳтимол, ғалабани нақд қилдик, деб ўйлагандир.

Биз баҳс давомида ўйин услубимизни ўзгартирдик. Яхши ўйин учун «Фулхэм»га тан бериш керак. Бироз бўшашганимизда улар бизга муаммо яратишди.

Матипнинг жароҳат олгани қайғуга солди. Унинг омади чопмади. Унинг аҳволи яхши эмас. У бир қанча муддатга сафдан чиқди», – деди «Ливерпуль» устози.