"Liverpul" bosh murabbiyi Yurgen Klopp Angliya chempionatining 14-turi doirasida bo‘lib o‘tgan «Fulxem»ga qrashi o‘yin (4:3) borasida o‘z fikrini bildirib o‘tdi.

«Nazarimda, bunday chiroyli gollarga boy o‘yinni hech qachon ko‘rmagandim. Ammo o‘zimizning ahmoqligimiz tufayli mazku bahsda yutqazib qo‘yishimizga oz qoldi. Birinchi bo‘limda mudofaa chizig‘ida rasvo o‘ynaganimiz uchun raqibga gollar sovg‘a qildik.  

Futbolda barcha narsani kichik detallar hal qiladi. Biz haqiqatan yaxshi o‘ynadik, ko‘p yaxshi vaziyatlar yaratdik, ammo tanaffusga 2:2 hisobida yo‘l oldik. Bu birinchi bo‘limga mos edik.

Raqib taslim bo‘lmadi va ajoyib gol urdi. Hisob 2:3 ko‘rinishga kelgach, «Fulxem» futbolchilarining barchasi, ehtimol, g‘alabani naqd qildik, deb o‘ylagandir.

Biz bahs davomida o‘yin uslubimizni o‘zgartirdik. Yaxshi o‘yin uchun «Fulxem»ga tan berish kerak. Biroz bo‘shashganimizda ular bizga muammo yaratishdi.

Matipning jarohat olgani qayg‘uga soldi. Uning omadi chopmadi. Uning ahvoli yaxshi emas. U bir qancha muddatga safdan chiqdi», – dedi «Liverpul» ustozi.