«Манчестер Юнайтед» ҳужумчиси Жейдон Санчо «Олд Траффорд»да қолиш имкониятини истисно этмаяпти.
Журналист Флориан Плеттенберг хабарига кўра, англиялик футболчи хўжайинлар ўзгарса ёки мураббий ишдан бўшатилса, унинг ҳозирги фикри ўзгариши мумкинлигини тан олади.
Қандай бўлмасин, манбанинг таъкидлашича, ҳозирда Санчо кетишга кўпроқ мойил. Катта эҳтимол билан «МЮ» футболчини сотиб олиш опцияси билан ижарага қўйиб юборади.
Туриннинг «Ювентус» клуби ўз фаолиятини имкон қадар тезроқ қайтадан бошламоқчи бўлган футболчига алоҳида қизиқиш билдирмоқда.
