Нуфузли италиялик журналист Фабрицио Романо “Наполи” вингери Хвича Кварацхелиянинг Лондоннинг “Челси” клубига ўтиши ҳақидаги миш-мишларни рад этди. Эслатиб ўтамиз, яқинда грузиялик футболчи "Стэмфорд Бриж"га ўтиши мумкинлиги ҳақида хабарлар тарқалган эди.
"Ўтган ҳафта биз «Челси»нинг Кварацхелияга қизиқиши ҳақида миш-мишларни эшитдик. Сизга шуни айта оламанки, “Челси” шу кунгача “Наполи” билан ҳеч қандай музокара бошламаган ва ҳатто футболчи билан ҳам алоқага чиқмаган”, деди Романо ўзининг подкастида.
Жорий мавсумда Хвича Италия А сериясида ўн учта ўйинда майдонга тушиб, тўртта гол урди ва учта голли узатмани амалга оширди.
